منتديات التقنية

التصميم و الإبداع
 
الرئيسيةالرئيسية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخولدخول  

شاطر | 
 

 تعلم التصميم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Nemesis112
عضو مشارك
عضو مشارك


ذكر عدد الرسائل : 10
العمر : 24
الموقع : شش
الجنسية :
تاريخ التسجيل : 02/01/2008

مُساهمةموضوع: تعلم التصميم   الثلاثاء يناير 22, 2008 11:52 pm

يقول المثل الشائع ::-

لا تعطني ألف سمكة كل يوم .. بل علمني كيف
أصطاد .. فأصيد ألف سمكة في اليوم .. !

من هالمنطلق أحبائي ولأني شفت الإقبال الكبير
على التصميم والرغبة الصادقة والخالصة منكم
في التعلم والاستفادة .. قررت إني أضع هالدرس

اللي راح يكون قوي وخاص لكل المستويات وراح
أركز ع المبتدئين خاصة وإن المنتدى يزخر بأناس
يحتاجون بعض التوجيهات والإرشادات فقط حتى يسيروا
على الطريق الصحيح نحو الاحتراف والإتقان ..












في بداية المشوار راح أحاول
إني أصمم معاكم بهالدرس خطوة خطوة

وكل اللي عليكم إنه تنفذون هالدرس
خطوة خطوة كأنه سيناريو وبالحرف الواحد
وأي
" عصلجة " أو مشكلة تواجهكم آنه حاظر

والهدف من هالفكرة إني أغطي كل المهارات الأساسية
اللي يحتاجها المصمم لكي يصمم تصميم جيد كبداية

والمجال راح يكون مفتوح للتطوير والابتكار فيما بعد طبعاً
نبتدي على بركة الله .. اربطوا أحزمة الأمان ،،
















.:: الخلـــفية ::.

جينا للقشة اللي قصمت ظهر البعير
أكثر من 90% من المصممين وخاصة المبتدئين
يواجهون مشاكل عويصة بالنسبة للخلفيات
وآنه بنفسي ألقيت فرات وجولات على مواقع الدروس
وشفت المعاناة بهالدروس بالنسبة للمبتدئين
لأنه يستخدمون فيها مهارات عالية المستوى
صعب إنه المبتدئ يدخلها في باله ويستوعبها
فعلشان جذي قمت بوضع طريقة سهلة وفعالة
تخليكم تسووون أكثر من خلفية بسهولة تامة
لأنه الخطوات هالمرة راح تكون بسييييطة مثل الماي
وإن شاء الله الكل يفهمها ،، يلا نبدي :

1- أول شي لازم يكون عندك برنامج الفوتوشوب
واللي موجود بهالمنتدى >> هـــنا <<

2- بعد تثبيت البرنامج قم بتشغيله بأي طريقة
كأن تضغط على زر الفوتوشوب الموجود في سطح المكتب مثلاُ
وهو على شكل عين ومكتوب أسفله اسم البرنامج .

3- قم بإغلاق كافة صناديق المحاورة لتبدأ العمل
في الشاشة الفارغة .. لفتح ملف جديد لبدأ العمل عليه
اذهب إلى قائمة File ثم اختر الأمر New أو بالضغط على - Ctrl + N - .




" 1 = عرض التصميم ، 2= ارتفاع التصميم ، 3= خلفية شفافة "

المفروض يطلع عندك مربع الحوار أعلاه
الخانة الأولى لاختيار عرض التصميم - أفقي - ..
والثانية لطول أو ارتفاع التصميم - رأسي - ..
والأخيرة خصائص الخلفية و احنا نبيها ترانسبيرنت
طبق هالإعدادات وعطه أوكيك ..

4- بعد ما فتحت ملف يديد اللي يفضل يكون فيه
العرض أكبر من الطوول مثل كل التصاميم ..
الحين كل اللي عليك إنه تستخدم أداة التدرج





اشلون نوصل لهاا .. ؟ أوكيك نعلمك .. شفت أداة الدلو







اللي محددة باللون الأحمر .. اضغط عليها ولا تهد لفترة ..
راح يعطيك أداتين وحدة والدلو الثانية التدرج
اختار أدة التدرج وكمل معانا .. >> أي استفسار سألوا ..





الدليل على إنك اخترت الأداة إنه شريط أدوات التدرج هذا
راح يطلع لك فوق .. المهم . انته الحين ركز ع الأشياء المحددة بالأحمر
وأول شي ع اليسار اهوه التدرج .. اختار لك التدرج اللي يناسبك
مع مراعاة ضبط باقي الخيارات كما في الصورة .. ثم انتقل
للخطوة التالية .

اذهب إلى أعلى يسار منطقة العمل في الزاوية .. اضغط على الماوس
ومع الاستمرار في الضغط اسحب المؤشر إلى الزاوية المقابلة أسفل يمين منطقة العمل
من المفترض أن تظهر نتيجة عملك مشابهة للصورة التالية ..





قم بتغيير بعض الخبارات من شريط أدوات التدرج
والموجود في الأعلى .. واختر لوناً مغايراً عن السابق
وغير نمط الشفيفة إلى Darken .. انظر الصورة التالية ،،




قم بتكرار عملية استخدام التدرج .. ولكن هذه المرة

سنبدأ من أقصى اليسار ولكن عند المنتصف .. ثم نضغط
ونذهب إلى أقصى اليمين قاسمين منطقة العمل لقسمين متساووين
عند إفلات الماوس من المفترض أن يظهر الناتج مشابهاً لما يلي :





مو شرط الناتج يكون مثله 100% .. المهم يظهر عندكم في الشاشة
لونين مختلفين بهالشكل .. ما علينا .. ننتقل للخطوة اللي بعدها ..

الحين لازم نتفنن اشوي ونسوي تأثيرات خاصة علشان تطلع لنا الخلفية بشكل جميل
فأبي منكم كل تركيزكم لأنه هالخطوات يبيلها دقة اشوي ..

فوق .. ضغطوا على قائمة Filter => الأمر Artistic => بعدين الأمر Sponge ..

وبعدها عطه أوكيك .. والحين خل نسوي حركات زيادة

نروح لقائمة Filter => الأمر Sharpen => بعدين الأمر Unsharp Mask .. ،،
راح يظهر لك الشكل التالي ..





غير القيم المحددة لتصبح كما بالصورة
ثم عطه أوكيك .. راح تلاحظ إنه الخلفية صار فيها تحديد شوي
الحين خل نستفيد من هالشي ونطبق هالتأثير ..

نروح لقائمة Filter => الأمر Blur => بعدين الأمر Motion Blurطبق القيم التالية كما بالشكل أدناه ..





اضغط على Ctrl + shift + uراح تلاحظ إنه شغلك صار أسود وهذا اللي نبيه

بعدين اضغط Ctrl + Shift + Nعلشان نسوي شفيفة جديدة .. وعطه أوكيك

الحين قم بعمل تدرج بسيط ولون هالتدرج راح يعطيك
لون الخلفية .. يعني تبي خلفية حمراء سو تدرج أحمر وهكذا ..
انظر الصورة التالية ..





لو تلاحظون آنه سويته من فوق لي تحت علشان يصير مميز
المهم .. الحين نغير نمط الشفيفة .. أدري إنكم مو فاهمين
فطالعوا الصورة أحسن ..





لو تلاحظون آنه اخترت سوفت لايت .. انتوا اختاروا اللي يناسبكم
ثم نضغط ctrl + E علشان ندمج الشفيفتين
والنتيجة النهائية للخلفية طلعت عندي بهالشكل ..







الحمد لله انتهينا من أصعب جزء في التصميم الحين باقي باجي
الشغلات اللي راح أعلمكم عليها في هالدرس أيضاً ..

.:: الصورة الرئيسية ::.

طبعاً كل تصميم لازم تكون فيه صورة رئيسية وصورة ثانوية
الحين راح أعلمك اشلون تستخدم هالصورة واشلون تتعامل معاها

أول شي حاول تدور لك صورة تنفع للتصميم وحلوة - وخل تكون سهلة في القص -
آنه الحين اخترت هالصورة كمثال >> نيستا<<

اضغط Ctrl + O واختار صورتك
بعدها اضغط Ctrl + N علشان تفتح مستند يديد
لا تغير شي وعطه أوكيك .. الحين راح يكون عندك صفحة فيها الصورة
اللي راح نشتغل عليها .. الحين وباستخدام أداة المحاية
اللي يم أداة الدلو والتدرج اللي مساعه .. اضغط عليها
وامسح الزوائد اللي حوالي الصورة .. حاول إنه تكون دقيق وتشتغل بتركيز ولا تستعيل
النتيجة بعد القص راح تطلع بهالشكل هذا ..





الحين اضغط Ctrl + A علشان تحدد الصورة كلها
بعدين اضغط Ctrl + c علشان تنسخ الموجود
بعدين فوق من قائمة Window تحت كلش .. راح تلقى
ملف غالباً ما يكون اسمه untitled-1 اللي اهوه
ملف خلفيتك طبعاً .. بعد ما تروح للملف
اضغط Ctrl + V علشان تسوي لصق للصورة

الحين مع تأثير بسيط للصورة بما إنه احنا تونا مبتدئين
اضغط Ctrl + j علشان تضاعف الطبقة

احرص على اختيار الطبقة الأصلية وليس المكررة
وذلك بالضغط على عليها ليظهر بجانبها العلامة التالية





روح لقائمة Filter => الأمر Blur => الأمر Gaussian Blurخل قيمة Radius = 1.5 وعطه أوكيك

اختار الطبقة المكررة بنفس الخطوة السابقة علشان تظهر يمها
نفس العلامة .. يعني العلامة تختفي من الأصلية وتنتقل للمكررة اللي فوق
اشلووون .. ؟ بس اضغط ع الطبقة اللي فوق وخلاص

الحين غير نمط الشفيفة إلى soft light مثل ما علمتكم قبل شوي
وراح تصير النتيجة كالتالي ..







مبروووك شباب .. خلصنا جزء كبير من الأساسيات .. الحين ما باقي غير الصورة الثانوية
والإطار إذا حبيتوا .. الحين خل أشرح الصورة الثانوية

افتح أي صورة حلوة علشان تظهر كجزء من الخلفية
باستخدام أداة التحديد المربعة اللي اهيا فوق المساحة بخمس أدوات تقريباً

حدد جزء من الصورة وليس كلها .. انظر الصورة التالية





الآن اضغط على Alt + Ctrl + D لتنعيم حواف التحديد
ضع القيمة بـ 25 ثم اضغط أوكيك .. والآن اضغط Ctrl + c
لكي تقوم بنسخ الصورة .. ثم ارجع للخلفية بالذهاب لقائمة
Window كما ذكرت آنفاً .. واضغط Ctrl + v لكي تلصق الصورة

والآن قم بالضغط على Ctrl + t وستلاحظ ظهور مقابض على الصورة
قم بالضغط على shift وتحريك هذه المقابض لتعديل حجم الصورة
قم اضغط Enter حتى يثبت التغيير والتعديل في الحجم .. حرك الصورة
للمكان الفارغ الذي تراه الأنسب لوضع الصورة الثانوية

ثم قم بتغيير نمط الخلفية إلى Overlay ثم اضغط Ctrl + shift + u
مبرووك .. لقد قمت بالدمج وإضافة الصورة الثانوية بنجاح

ملاحظة : إذا كانت الصورة الثانوية بارزة ولم ينفع القص والتحديد
قم بالتحديد مرة أخرى .. وكرر خطوة التنعيم
ثم اضغط على Ctrl+Shift+I .. ثم اضغط زر المسح Delete
حسب الحاجة .. وستلاحظ أن الحواف تصبح ناعمة
في كل مرة .. فيصبح الدمج ناجحاً مع الممارسة .. انظر الصورة







ما بقى إلا الكتابة والإطار .. ركزوا معاي علشان نخلص

.:: الكـــتابة ::.

فن يختلف من مصمم لآخر .. وكمبتدئين راح أعلمكم تأثير سهل
وإن شاء الله راح يزين تصاميمكم القادمة .. وراح يفتح
لكم الباب للتعلم أكثر فأكثر ..

اضغط على أداة الكتابة التي على شكل حرف الـ T
والتي تقع أسفل أداة الدلو بأداتين تقريباً ..

ثم اضغط على منطقة العمل .. لاحظ شريط الأدوات في الأعلى
يمكنك منه تغيير حجم الخط ولونه والكثير من الأشياء
قم بتغيير لون الخط إلى الأبيض كما هو موضح في الشكل





الآن اشرع بالكتابة .. وإذا انتهيت اختر أي أداة أخرى
حتى تثبت عملية الكتابة في التصميم

في أقصى يمين الطبقة .. اضغط ضغطاً مزدوجاً على الطبقة حتى يظهر
صندوق حوار خاص بالتأثيرات .. اضغط على آخر تأثير وهو Stroke
وضع القيمة الأولى = 1 .. واللون غيره من الأحمر إلى الأسود وعطه أوكيك

ملاحظة : لما تضغط على Stroke ازم ينكتب ع اليسار بنص صندوق الحوار
هالـ stroke وبعد لازم يطلع يم كلمة ستروك الموجودة يسار تحت صح
تأكد من هالأشياء قبل لا تنفذ وقبل لا تعطيه الأوكيك ..



الحين الإطار ولا أسهل .. بس حبيت أوريكم النتيجة
النهاية قبل الإطار .. وبعده طبعاً .. شوفوا قبل الإطار





الحين يا شباب آخر خطوة فركزوا عدل ..أول شي
روح لطبقة الخلفية ونضغط Ctrl + A علشان نحدد التصميم كله
من قائمة Edit => الأمر Stroke .. بعدها نحط أول قيمة = 3واللون نخليه أسود .. الحين باستخدام أداة التحديد المربعة
نحدد الجزء الداخلي من الإطار الأسود اللي طلع .. علشان راح نسوي
إطار داخلي أبيض كلمسة جمالية .. شوفوا الصورة





الحين نكرر الخطوات اللي مساعه .. بس نخلي القيمة الأولى = 1
واللون أبيض .. وبعدها نسيف شغلنا بصيغة الـ jpg طبعاً
وترفعونه بمواقع الرفع وتوروني إياه اهني ..




الحمد لله خلصت الدرس اللي كان فيه مهارات وايد
واللي يطبقه راح يتعلم يسوي له تصميم من الألف لي الياء
ويمكن اشوي التصميم يكون ما فيه حركات وايد والسبب إني مخلي الدرس لكل المستويات
وآنه متعمد أخلي بعض النقاط غامضة اشوي علشان أسمع أسألتكم
وأتمنى شوف منكم التطبيقات في ردودكم
ونتمنى نشوف إقبال ع الموضوع عشان تشوفون دروس أكثر وأكثر إن شاء الله

يلاا ورونا شغلكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تعلم التصميم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات التقنية :: منتدى البرامج :: قسم التصميم و الجرافيكس-
انتقل الى: